Poet Umayanalloor: August 2012

Thursday 16 August 2012

കവിത അന്‍വര്‍ ഷാ ഉമയനല്ലൂര്‍

മോചനം

കയ്പ്പൊന്നുമാറുവാനറിയാതെ നറുതേന്‍

സ്‌മരിച്ചപ്പോഴേകിയീ ശപ്തജന്മം

നെഞ്ചുപൊട്ടിപ്പാടു,മി-ക്കാട്ടുചോലപോല്‍

സഞ്ചരിച്ചീടാനെനിക്കുയോഗം.

ഒരുകവിള്‍ കുടിനീരിനായി,ഞാ,നലയവേ-

യേകിയതെന്തിനായുപ്പുവെളളം

വര്‍ദ്ധിച്ചിടുന്നതാമുഷ്‌ണലോകത്തില്‍ഞാ-

നിഷ്‌ടപ്പെടുന്നില്ല ശിഷ്‌ടകാലം

പാഴ്‌മരമായതിന്‍ ഹേതുഞാന്‍തിരയവേ-

യിറ്റുവീഴുന്നുവെന്‍-ജീവരക്തം

മന്ദമായൊഴുകുമി,ക്കാലമെന്‍ കൈവിരല്‍-

ത്തുമ്പില്‍ക്കുറിച്ചിട്ട-തസ്തമനം

അല്‌പം നിശ്ശബ‌്ദത കാംക്ഷിച്ചുവെങ്കിലും

കേള്‍പ്പിച്ചുവീണ്ടുമസുരവാദ്യം

താഴത്തുനിന്നുഞാനൊന്നെഴുന്നേല്‍ക്കവേ-

വീഴ്‌ത്തുവാനാശിപ്പതാരുനിത്യം?

മോചനം കാത്തുകിടക്കുന്നു നെഞ്ചി,ലെന്‍

യാചനകേള്‍ക്കാത്തയുറ്റബന്ധം

താരങ്ങളോരോ,ന്നടര്‍ന്നുപോകുമ്പോഴോ,

തീരത്തടുക്കുന്നതെന്‍ കബന്ധം.

Poet Umayanalloor