കവിത
അന്‍വര്‍ ഷാ ഉമയനല്ലൂര്‍
Poem
Anwar Shah Umayanalloor
ഒസ്യത്ത്
തളരരുത്,
കൈപിടിച്ചരികിലൂടിങ്ങനെ-
തുടരേണമോമനക്കുഞ്ഞേ,
ഞാനില്ലയെങ്കിലുമീവഴികള്‍
നിന്നുടെ-
യാത്രയ്‌ക്കനുഗുണംതന്നെ.
തുണയായിടേണമീ,നാടി,ന്നൊരുപാടു
നന്മകള്‍ചെയ്യുക!
പൊന്നേ
താണനിലത്തേയൊഴുകു,നീരെന്നു,നീ-
യറിയേണമീ-ദിനം-ധന്യേ.
മേനിനടിക്കാതിരിക്കാന്‍
ശ്രമിക്കുകില്‍
താനേവളര്‍ന്നിടാം,
മുന്നേ
മേനിനന്നാക്കുവാനല്ല;
നാം
നേരിന്റെ
തേരാളിയാകണം
പിന്നെ.
ചാഞ്ഞുപോകാതെ,യുറച്ചുനിന്നീടുകി-
ലാമോദമപരര്‍ക്കുമേകാം
സ്വപ്‌നങ്ങള്‍
മാറിമറിഞ്ഞീടുമെങ്കിലും
വഴിപിഴച്ചീടാതെ
പോകാം.
ബന്ധങ്ങളൂട്ടിയുറപ്പിച്ചുനിര്‍ത്തു,കെന്‍
മന്ദസ്‌മിതംഞാന്‍
പകരാം
സന്ദര്‍ശകര്‍മാത്രമാണു,നാം
ധരയിതി-
ലെന്നറിയാന്‍
ശ്രമിച്ചീടാം.
കണ്‍നിറഞ്ഞീടുന്നതെന്തിനെന്നോമന-
ക്കുഞ്ഞേ,മറക്കരുതെന്നും
ചിന്തനംചെയ്യുകെന്‍
ജീവിതപുസ്‌തക-
മസ്‌തമിച്ചീടുന്നു
ഞാനും.
