പുസ്തക ചര്‍ച്ചയും കാവ്യാര്‍ച്ചനയും - സ്വാഗതം - അന്‍വര്‍ ഷാ ഉമയനല്ലൂര്‍

        ************************************************************************

 *******************************************************************************

 *******************************************************************************

http://umayanalloor.blogspot.com 

 *******************************************************************************

വിദ്യാരംഗം: പറന്നു..പറന്ന്..

http://anwarshahumayanalloorpoet.blogspot.comവിദ്യാരംഗം: പറന്നു..പറന്ന്..

മെല്ലെ..പ്പെരിയാര്‍.. (കവിത-അന്‍വര്‍ ഷാ ഉമയനല്ലൂര്‍) - Mellepperiyar (Poem)

മെല്ലെ..പ്പെരിയാര്‍..

പ്രിയ മുല്ലപ്പെരിയാര്‍,

നമുക്കിടയില്‍ ദൈവവും ക്ഷണനേരവുംമാത്രം

വ്രതംനോറ്റിരിക്കുന്നിതേഴകള്‍, തകരുന്നു മാനസം

വിധി,യിതെന്തുവിധി; ഞങ്ങളടിത്തിട്ടിലുളളവര്‍

മൃതി,യതിന്‍ രൂക്ഷഗന്ധംവമിപ്പിച്ചു

താഴ്‌വരെയാകെക്കറങ്ങിത്തിരിയവേ,

കരുണതന്‍ സ്മൃതിയില്‍നിന്നേറേയകന്നവര്‍-

ഞങ്ങള്‍; വീണടിഞ്ഞീടുമെന്നിന്നുറപ്പിച്ചവര്‍.

ശ്രുതിമറന്നതിദ്രുതതാളം തുടരവേ,

നെഞ്ചിലൂടൊരുമിന്നലധികരിച്ചീടുന്നു

ആരോടുരചെയ്തിടാന്‍? ഞങ്ങ-

ളാരോരുമില്ലാത്തവര്‍-നിന്റെ-

കരുണയ്‌ക്കുവേണ്ടി കൈകൂപ്പുന്നവര്‍

കണ്ണീരുവറ്റിയ മനസ്സുകള്‍, പിന്നെ,

എണ്ണിയാല്‍ത്തീരാത്ത ദുരിതങ്ങള്‍പേറുവോര്‍.

കാണ്‍മതില്ലേ, തോഴാ,

ഈയേഴകള്‍തന്നഴലിന്നടിത്തറ

മിഴിതുറന്നൊന്നുനോക്കീടുക: കാലമേ,

വഴിതെളിഞ്ഞീടട്ടെ;യൊന്നാഗ്രഹിക്കുക!

തഴഞ്ഞിടൊല്ലേ, ഞങ്ങള്‍ പെരുവഴിയിലായവര്‍

വേരറ്റുപോകാത്ത കൂടെപ്പിറപ്പുകള്‍

ചിതമല്ലിതൊന്നും ശിശിരാചലപതി-

പോലായി കദനത്തിനുയരമെന്നാലും

കാണ്‍മതില്ലേ തോഴാ,

കേള്‍പ്പതില്ലേ പ്രിയ സഹജരേ

പറക്കമുറ്റാത്ത വാക്കുകള്‍

നേര്‍ത്ത വിലാപങ്ങള്‍

മനസാ വചസാ കര്‍മ്മണാ സഹായിക്കില്‍

സഹസ്രകോടി പ്രണാമമര്‍പ്പിച്ചിടാം.

------------------------------------------------

മുല്ലപ്പെരിയാര്‍ അണക്കെട്ടിന്റെ താഴ്ഭാഗങ്ങളില്‍

വസിക്കുന്നവരുടെ പ്രാര്‍ത്ഥനാവിലാപം (2011)

പുതുശ്ശേരി അവര്‍കള്‍ക്ക് അഭിനന്ദനങ്ങള്‍ - അന്‍വര്‍ ഷാ ഉമയനല്ലൂര്‍

കേന്ദ്ര സാഹിത്യ അക്കാദമിയുടെ ഭാഷാ സമ്മാനം നേടിയ ശ്രേഷ്ഠകവി ഡോ. പുതുശ്ശേരി രാമചന്ദ്രന്‍ അവര്‍കള്‍ക്ക് അന്‍വര്‍ ഷാ ഉമയനല്ലൂരിന്റെ അഭിനന്ദനങ്ങള്‍

ഒരു പുലരിപോലെ..(കവിത) - അന്‍വര്‍ ഷാ ഉമയനല്ലൂര്‍

                കവിത                                അന്‍വര്‍ ഷാ ഉമയനല്ലൂര്‍            

ഒരു പുലരിപോലെ..                                   

സുഖദായകമാം പുലര്‍കാലപറവകള്‍

ചിറകടിച്ചെന്നുമുണര്‍ത്തുന്ന കവിതപോല്‍

വീണ്ടും കുറിയ്ക്കുന്നകമെയെന്നറിയുന്നു;

തിരുസ്‌മേരസാമ്യം സുമങ്ങളോതുന്ന-നിന്‍-

ശുഭമോദകാവ്യം-മഹാശാന്തമീവിധം

മഹിയിലീ, പുലര്‍വല്ലിയില്‍തെളിയുന്നതിന്‍-

പകരമായഴകാര്‍ന്നതാമര്‍ക്കകുഡ്‌മളം

അരുവിയായൊഴുകിടുന്നിന്നിതാ ഹൃത്തിലും

സുഖദായകനേ, നവതിരുസ്‌മരണയും

നിവരുന്നതില്ലൊടുവില്‍ ചപലമോഹങ്ങളും

നുകരുന്നുവീണ്ടും; ശുഭശ്ശാന്തചിന്തയും

ലളിതമായുതിരുന്ന വചസ്സുപോലുളളിലായ്

പൊഴുയുന്നുമന്ദം തവസ്നേഹവര്‍ഷവും

മനനമെന്‍കഴിവുപോല്‍ തുടരുന്നുവെങ്കിലും

വഴിതെളിച്ചീടുകെന്നുടയതേയനുദിനം

മധുവുമായൊരുസുമം വിടരുന്നപോലെയും

മനമാകെയെന്നും നിറയ്ക്കിറ്റു-സ്വാന്തനം

കേള്‍പ്പിതേനീവേളയലിവാര്‍ന്ന പുലരിയെന്‍

ചാരെനിന്നോതിയോരീ, ധന്യജാതകം

ഏഴകള്‍ക്കാശ്രയമായ്, ശക്തിയായ് വിഭോ,

നല്‍കണേനിത്യം! സ്മിതാനന്ദസൂചകം

പുലരുന്നു,ശലഭങ്ങള്‍പോലുലകിലടിയങ്ങള്‍

കാലമേ,ക്ഷണജന്മ മധുനുകര്‍ന്നീവിധം

പുതുകാല നരലോകിമിതുപോലെയെങ്കിലും

നുകരട്ടെ,യിനിശേഷ സുദിനങ്ങനുദിനം

അറിയുന്നു പുലര്‍ചിന്തകളാല്‍ മഹാവിഭോ,

ധനുമാസകവിതയെപ്പൂത്തുലയ്ക്കുന്നതും

മമ ഹൃത്തിലേയ്‌ക്കുനീയിന്നുവന്നെത്തിടാന്‍

വേണ്ടരക്ഷണനേരമെന്നുണര്‍ത്തുന്നതും!!

മകള്‍മുകുളം (കവിത) - അന്‍വര്‍ ഷാ ഉമയനല്ലൂര്‍

     കവിത                        അന്‍വര്‍ ഷാ ഉമയനല്ലൂര്‍       

മകള്‍മുകുളം*

കൊച്ചരിപ്പല്ലുകള്‍തെളിച്ചുനീ,ചിരിച്ചുമറിയുന്നു;

മാതൃമടിത്തൊട്ടിലിന്നുമീപ്പുലര്‍വേളയില്‍

തേടുന്നു; താതലാളന,സ്നേഹാദികള്‍ പിന്നെയു-

മകമെഞാ,നിന്നിളം തെന്നലുമറിയുന്നു.

അറിയാതൊരുമാത്രയിക്കുരുന്നിലൂടെന്‍ശൈശ-

വാദികാലവുമേന്‍തിരഞ്ഞുപോയീടുന്നു,

ചാഞ്ചാടിടുന്നപോല്‍തോന്നുന്നു: പ്രകൃതിയെന്‍-

പിഞ്ചോമനയുടെയീകൊഞ്ചലിലലിയുന്നു

പുലര്‍കാറ്റുപാടവേയുണരുമീകുഡ്മളങ്ങളോടൊ-

ത്തുണരുന്നീകുരുന്നും മൃദുസൂനസാമ്യം

പടിഞ്ഞാറണയവേയുയരും തിങ്കളിന്‍സ്മിതംപോ-

ലറിയുന്നുലകിലിതിന്‍തങ്കസ്‌മേരവര്‍ണ്ണം

ഖിന്നതയെന്നൊന്നതില്ല,യിപ്പൂമുഖംകാണ്‍കിലോ,

മന്നിതിലില്ലിതുവിധം-സുദിനമാംതീരവും

മാതൃഹൃദയമിന്നരികിലിരുന്നീടിനാല്‍ വാടുന്നതി-

ല്ലറിയുന്നുയരുംസുരലോകസാമ്യഭാവവും.

* * *

പൊന്മകള്‍ക്കുകണിയെന്നപോലിന്നുംകിഴക്കാഴി-

മദ്ധ്യേ,കനകകൂമ്പാരമുയര്‍ന്നിടുന്നുമന്ദം

പ്രിയപുഴകളിലിന്നെഴുതിവയ്ക്കുന്നുവാനം, സുദിന-

മൊന്നിലണിയുവാനുളളചിലങ്കതന്നീണം

കൈകോര്‍ത്തുരുമ്മിയിരിപ്പുയിരേകുവാന്‍പോലു-

മല്പംമടിക്കാത്തയിരുയൗവ്വന,രുചിരകാലം

തഴുകിയെത്തുന്നുണര്‍വ്വേകുമൊരു,പതംഗഗീതം

ഹൃദന്തത്തിലൂടുയരുന്നപോ,ലെന്നവണ്ണം

കാതോര്‍ക്കിലതിന്നുമുണ്ടൊരുതാരാട്ടിന്റെയീണം

മാനിയ്ക്കയിന്നതിന്റെയും-സാമൂഹ്യധര്‍മ്മം

വിശ്വൈകശില്പിസൃഷ്ടിച്ച കരുണതന്‍പത്മതീര്‍ത്ഥ-

മഴകേ,താതമിഴികളാണിന്നതിന്‍പ്രതീകം

കൂടുവിട്ടുണരുമീപ്പുലര്‍വീചികളലങ്കരിക്കട്ടെ,സര്‍വ്വ-

മോമനേ,യതിന്‍ചാരെയാണിന്നിരിപ്പതും

സ്തുതിയതിന്നോതിടുന്നിതിലേയകന്നുപോമൊരു

മറുപറവയും, ചാരത്തെയീനീര്‍ച്ചോലയും.

* * *

ചിണുങ്ങിക്കൊണ്ടിടയ്‌ക്കിടെത്തേടുമീ,യോമലാള്‍

പിണങ്ങിനേടുന്നതാംദുഗ്‌ദ്ധംനുണയവേ,

മൃദുലകാരുണ്യമായ്, നിന്‍ കാവല്‍കാണ്മുഞാന്‍

ലളിതമായീസ്മിതംസകലതുമുണര്‍ത്തുന്നു

മനതാരില്‍പുതിയപുലര്‍ചിത്രങ്ങള്‍ നിഴല്‍നീക്കി

യെഴുതുന്നു,സ്മരണീയവര്‍ണ്ണങ്ങളാലിവള്‍

കൊതുച്ചുപോകുന്നിതേനൃതുക്കള്‍പോലിവിടെനി-

ന്നുദിച്ചുമറയാതെ; തുടര്‍ച്ചയായീടുവാന്‍

തിടുക്കമായീടുന്നു; തിരക്കില്‍ഞാന്‍ നില്‍ക്കിലും

സുകൃത-നരജീവിതസ്സുഖമറിഞ്ഞീടുവാന്‍

ഹൃതന്തമേ, മധുരമായ്‌പകര്‍ന്നിടൂ പതിവുപോല്‍

കഴിവതുംസ്പന്ദനം കാതുകള്‍ക്കിമ്പമായ്

പിന്നെയെന്‍ജീവിതലതയൊന്നില്‍ചാര്‍ത്തുവാന്‍

ഭിന്നതകൂടാതെ; നല്‍കുനീ,സുഗന്ധവും

സ്‌മരിച്ചുപോയ് നിന്നിലെനിന്നെയേന്‍ബഹുവിധം

ധന്യമായ്‌ത്തീര്‍ന്നിടുന്നെന്‍കാവ്യജീവിതം!!

-------------------------------------------------

*തങ്കിടുമാണി എന്നുവിളിപ്പേരുളള പൊന്മകള്‍-ആയിഷാ സുല്‍ത്താനയെക്കുറിച്ച്

പ്രിയഗായകന്‍ കെ.പി.ഉദയഭാനുമാസ്റ്റര്‍ക്ക് ആദരാഞ്ജലികള്‍ - അന്‍വര്‍ ഷാ ഉമയനല്ലൂര്‍

പ്രിയഗായകാ, അങ്ങയുടെ ദീപ്തസ്മരണകള്‍ക്കുമുന്നില്‍ ഞങ്ങളുടെ അശ്രുപൂക്കള്‍ സമര്‍പ്പിക്കുന്നു